Iniciativa pa Desaroyo pa Empresa Arubano (Idea) kier recorda tur esnan cu tin un negoshi existente of cu ta den proceso pa habri un negoshi pa asisti na Idea su workshop sumamente interesante titula “It’s tax Time – Tips & Tricks for your 2015 Income Tax Return” cu tuma luga riba 12 di November venidero.
Manera e titulo ta indica, e Workshop aki ta ofrece tips valioso ora di yena formulario declaracion di inkomstenbelasting. E oradornan lo ta Srta. Sandy Odor, cu ta e Regulatory Compliance Manager riba tereno di integridad na CMB N.V. y Sra. Gerella Roberts cu ta Motivational Young Entrepreneur. Nan lo presenta e siguiente topiconan: Pakico yena e aangifte IB; Cual ta e entradanan cu ta cay bou di IB; Kico ta e costo deducibel di e entradanan aki; Kico ta e costo cu ta deducibel di e entrada di negoshi y kico ta e rekisito pa presenta esaki; Kico ta cay bou di bo gastonan personal y extraordinario; Kico ta e impuesto y prima retene y ehempel di calculacion di entrada di negoshi.
No perde e oportunidad unico aki pa atende e workshop cu ta completamente GRATIS y ta tuma luga na Departamento di Asuntonan Economico, Comercio y Industria na Sun Plaza, na e di dos piso di 10.00 am pa 1.00 pm.
Pa tur empresario existente of cu ta den proceso pa habri un negoshi y cu kier atende e workshop aki por inscribi via email: [email protected] of via telefon: 5821181 ext. 274/248. Cupo ta limita, nos ta warda bo!
Bo tin un Idea? Haci bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yuda bo cu tur informacion y guia necesario.