Dialuna dia 10 di september 2018, na momento cu Frans a hala su ultimo rosea y a dispidi di e mundo aki…cun’e tambe a bay hopi storianan di antes di Aruba…pero ta keda bunita recuerdonan. Aki uno hopi bunita, dia cu a haci un Family Photo Day y a saca potret di 1ra, 2do, 3ra, 4to & 5to generacion.
Nos por skirbi un sin fin di anecdota, un buki mes di Sr. Frans Croes, manera semper ta na final di bida di un persona, pero di Sr. Frans kier a haci algo diferente, aparte di tata, welo, bisawelo, ruman, omo, trahado, piscado, sa di pisca den mal tempo, sa di plantacion, sa di bestia, sa di mata, kier resumi su bida den un solo palabra: Multifacetico
Aki e reportahe:
*Celebracion Family Photo Day cu 1ra, 2do, 3ra, 4to & 5to Generacion*
Dia 5 di Mei ultimo a celebra “Dia di Famia” cu un bunita slideshow cu a bay bek den tempo varios generacion. Ta trata aki di Famia Arendsz, Bernabela, Briesen, Cabral, Chan, Cordeiro, Croes, Galicia, Georgiou, Goedgedrag, Haseth, Lampe, Ling, Lue, Luydens, Maduro, Mendez, Montilla Heredia, Perez, Peterson y Van Veen.
E slideshow a cuminsa cu potret di desde padushi Franciscus Lourens Lampe te na e tataranieto di Frans Croes, e 5to generacion.
Aparte di e potretnan tambe a presenta e escudo di Famia Lampe.
A haci un wega di “Baby Game”, caminda ta presenta potret di baby di un Famia y ta duna 3 pista y e otro famianan mester rei ken e ta. Asina a introduci e famianan na otro.
John Peterson a presenta e stamboom di Famia Lampe y a duna un splicacion di e site www.ancestry.com
Un danki hopi special na tur esnan cu a pone nan granito pa organisa e evento di e reunion di famia.
Tambe kier a gradici Renwick Heronimo, curator di Fundacion Museo Arubano y Nyohmi Van der Biezen, kende ta medewerker na Museum of Industry (Museum of Industry ta bou Fundacion Museo Arubano) pa nan presencia y interes den historia di Famia Lampe y Croes.
E anochi tabata unico y exitoso. Por a admira atravez di potret e recuerdonan di historia di Famia te cu presente…