JOHANNESBURG, Surafica- Na Surafrica ta conmemora cu varios actividad e di cinco aniversario di e morto di Nelson Mandela, e final di un aña cu tabata marca cu homenahenan di e icono aki dilucha contra di apartheid. Aña 2016, Mandela lo a celebra su centenario.
Na Qunu (sureste di Surafrica), localidad natal di “Madiba”, bisiña y autoridadnan a organisa un marcha pa pas cu lo sali for di su cas.
Eynan tambe ta spera e presencia di politiconan Sudafricano y famianan di e ganado di Nobel di Paz, cu lo rindi homenahe na e graf di e lider.
Di su banda, Fundacion Mandela tin planea un charla unda cu lo analisa con e medionan di comunicacion a nara e fayecimento y a recorda su bida, na 2013.
Sin embargo, e acto grandi di e fundacion aki lo tuma luga diahuebs mainta, un conferencia unda cu e escritor di origen Nigeriano, Chimamanda Ngozi Adichie lo ta e orador principal.
E “importancia di e recuerdo” pa moldea e futuro lo e tema central di e evento aki.
Den e jornada di diaranson, Surafricanonan tambe tabata convoca pa participa den otro actividadnan popular, manera un caminata pa libertad di Pretorio.
Mester remarca, cu desde e presidencia Sudafricano, lo no tin niun homenahe grandi, según fuentenan oficial a confirma na EFE.
E di cinco aniversario di e morto lo ta bastante modesto, pero en general, e aña tabata yena di conmemoracionnan grandi.
Nelson Mandela a muri dia 5 di december 2013 cu 95 aña di edad, despues di un a sufri pa un tempo largo di problemanan pa hala rosea.
El a pasa 27 aña cera den prizonnan di e regimen segregacionista y el a bira un gran icono di e lucha contra di apartheid.