Recordando 20 aña di e tragedia di World Trade Center “Twin Tower”

Riba un dia manera awe 11 di september 2001 pa ser exacto 20 aña pasa pa ser exacto 8:24 mainta, a tuma lugar 4 atake terorista di e militancia di Islam di al- Queda contra Estados Unidos.

A fayece no menos cu 3000 ora cu 4 avion a wordo secuestra cu e fin pa comete  terorismo suicidio. 4 avion commercial a wordo secuestra; den e Twin Tower na New York City, e sede di Pentagon na Arlington Virginia y un campo habri di Penselvinia.

Tabata un diamars mainta 11 di september 2001 ora cu 19 terorista dividi den 4 grupo a secuestra 4 avion di aerolinea comercial di Estados Unidos.

E prome dos avion tabata vuelo 11 di American Airlines y vuelo 175 di United Airlines. Nan tabata rumbo pa New York City y a bai dal den e compleho financiero ” World Trade Center” mihor conoci como

” Twin Tower”.

E di tres avion cu a wordo secuestra vuelo 77 di American Airlines a cambia su ruta pa bai dal den Pentagon cual ta e sede di Departamento di Defensa di Estados Unidos.

E di 4 avion vuelo 93 di United Airlines su obhetivo tabata pa bay linea recta riba Capitolio di Washington; esun aki no a logra su obhetivo debi na forsegeo cu pasaheronan riba e vuelo aki na final a bay cay den un campo habri na Pensilvania.

Tur cuater avion secuestra a sali for di aeropuerto di Boston Washington- Dulles y Newark cu destinacion California. Asina cu e atakenan aki a logra debibilita e pais mas poderoso di mundo y haci’e uno hopi vulnerabel.

E causa di morto di tur cu a fayece den e caida despues di e atake pa al- Queda a pone den nan acto di defunshon ” asesinato”.

Un luna despues di e tragedia e president di Estados Unidos di e tempo ey George W. Bush a anuncia guera contra Afganistan. E tropa estado unidense tabata como meta pa kita poder di talibannan.

Awe 20 aña despues e president actual di Estados Unidos Joe Biden a dicidi di pone un fin na e guerra y retira tur tropa estadounidense di Afganistan. Asina e talibannan ta bin bek na poder! Asina a continua cu nan atake terrorista mescos cu e dia scur di 9/11 na Estados Unidos; manera cu e diferente aerolineanan despeja for di Afganistan curpa humano ta cai na pida pida.

Awen dia unda tabata ta

” Twin Tower” tin un monumento pa recorda tur e victimanan cu a perde nan bida e diamars mainta 11 september 2001.

 

Comments

comments