Departamento di Obra Publico ta informa pueblo di Aruba en general nos automobilistanan cu entrante 13 di Februari 2017 e caminda situa na Sero Biento mihor conoci como Verano lo bay ta parcialmente cera pa motibo di reconstrui e caminda di asfalt.
E trabaonan di reconstruccion lo tin un duracion di 61 dia di trabao.
Pa medio di borchi y hekinan di trafico lo bay indica cua partinan lo wordo cera durante oranan di trabao cuminsando for di 7:00 di mainta te cu 4:00 di atardi.
Ta pidi tur automobilista, negoshinan y otro usuarionan pa tene cuenta cu e inconveniencianan cu lo por surgi pa cual nos ta pidi nos disculpa.