Relaciona cu e accidente pisa diaranson 11 di october 2023, den oranan di marduga unda na e T-weg di Lg Smith Blvd y Adriaan Lacle Blvd unda un kia picanto biniendo for di pabou a yega lora dilanti un brommer cu dos persona riba dje cu tabata bahando for di pariba.
Debi na e impacto aki ambos persona tabata grave herida, e dama cu a cay mas cu 30 pa 40 meter leu haya riba acera den situacion critico y e homber di edad hoben haya poco pabou di e brommer cu herida serio na curpa.
Manera ta conoci cu diadomingo atardi a kita e mashin for di e curpa di e dama Luisa di 21 aña y a fayece, Aruba asina a registra su di 8 morto den trafico. Manera cu esaki a sosode e trabounan a cuminsa di tanto polis di trafico bou ordo di fiscal cu tabata presente momento di e accidente e marduga a pidi detencion di e homber unda e ta responsabel debi na su maniobra den trafico di a cobra bida di un hende y e tabata bou influencia e marduga ey.
Siman a habri a cuminsa cu algun trabou na e crusada pa mira e situacion fiscal hunto cu e polisnan di trafico, diamars anochi a cera e crusada unda lo a haci un reconstruccion completo, ya cu e accidente a pasa anochi a usa un auto mescos y un brommer di polis, unda a haci varios intento pa graba full e senario pa asina mustra Hues momento cu bay corte cu e caso. E anochi aki e fiscal di Ministerio Publico tambe tabata t’ey pa e pone su mes na altura den diferente angulo pa saca afo con e impacto aki a pasa y con e chauffeur a core. Departamento forensico tambe tabata presente debi cu nan a saca potret y a haci e calculacionnan.