St. Maarten a cuminsa duna reconocimente na esunnan cu a bay yuda den e temponan dificil na St. Maarten. Minister di Husticia di Aruba, Sr. mr. Andin Bikker cu e relato.
Un grupo hopi grandi di KPA a bay yuda e tempo ey, y minister di Husticia di St. Maarten, a informa minister di Husticia di Aruba, cu na su siguiente bishita e lo ta desea di haci entrega di e medayanana correspondiente.
A haci un peticion na Hulanda, cu tambe tin un medaya di reconocimento y cu pronto nan lo entrega esaki na varios miembronan di Cuerpo Policial y tambe e ‘First Responder’ cu a responde na e yamada pa yudansa. E biaha aki a toca honor na e miembronan di Cuerpo Policial di Aruba.
Por ultimo, mr. Andin Bikker, minister di Husticia di Aruba a bisa cu si mester sali na vanguardia di otro pais, Aruba ta cla. Esunnan cu a bay yuda a haci esaki di curason y ta bon pa esunnan cu a duna e yudansa, haya un toke di reconocimento y asina cu tur rumannan den Reino, cu den tempo di necesidad, ta cla pa yuda.
Tur otro instancia tambe lo haya nan reconocimento na su debido momento.