Centro di Bario Brazil ta duna reconocemento na pinturanan di schoolnan basico di Brazil.
Dia 16 di Maart ta bay bira un dia grandi pa bario Brazil. Caminda ya for di 6:00pm di ta cuminsa celebracion relaciona cu nos himno y bandera.
Diamars ultimo tabata un dia importante, unda cu maestronan di e schoolnan basico di Brazil a manda tur pintura di alumnonan relaciona cu nos Himno y Bandera, cu nan a haya bunita pa prefinal. E schoolnan a manda 3 nominado di cada klas . E schoolnan basico tabata, Colegio Cristo Rey, Sint Michael School y Caiquetio School di Brazil.
Un cuerpo di hurado cu “no ta di e bario Brazil” a scoge e miho di e nominadonan.
E huradonan tabata tin e tarea pa saca un ganado for di cada klas. Scol Prepararorio Tarsicius a traha 4 obra di man masha bunita mes. Y di Caiquetio school a saca ganadonan for di nan 7 groepnan.
Directiva di Centro di Bario Brazil ta invita Aruba completo pa bin celebra cu nos pasobra ta bay tin hopi sorpresa mas pa tur presente. Y un programa hopi varia:
Promer biaha den CBB, E himno ta wordo canta pa 4 ruman muhe: ”Las Gomes”. Apertura cu Drumband Grupo Scout St. Paulus Michael. Grupo di baile di Rene Kock “Gucci Dancers”.
Grupo di baile di Chastity “The Chaz Dancers”. Cantantenan hoben, Jetzenia y Jurion Martines ta bay canta bunita canticanan relaciona cu nos Himno y Bandera . Caha di orgel pa ambiente único. Gran dama Cultural, Sra. Sue-ann Croes, ta bin conta: “construccion di un cas”. Autonan clasico ta bay tey tambe pa tur cu kier saca potret.