Homenahe, tributo, In memoriam: Pasado – Presente – Futuro.
Diaranson, 18 di januari 2017, di 7.00 pa 9.30 di anochi lo tin un actividad multi disciplinario na Biblioteca Nacional Aruba, George Madurostraat, Oranjestad.
Mirto Laclé, hunto cu Biblioteca Nacional Aruba, Departamento di Cultura Aruba y Instituto Pedagogico Arubano ta invita publico en general pa asisti na e actividad aki. Ta dedica e anochi aki na Heroe, cu charla, presentacion, canto, declamacion y documentario.
Dr. Valika Smeulders di Corsou lo elabora e tema ‘Heroenan di Resistencia’, e.o. Boy Ecury y George Maduro. Lingüista, literato y Gestor Cultural, Mirto Laclé lo trata ‘Diseñado di Carnaval como Heroenan Cultural’.
Lo duna special enfoke riba diseñado John-John Flemming pa su dedicacion, conocemento y aporte na Carnaval di Aruba. Lo tin presentacion di Dande pa un prospero 2017.
Lo tin actuacion di e hoben, Festus Bargues, ganado absoluto di Manic Monday. Un hoben multi talentoso cu por toca diferente instrumento.
Entrada pa e evento ta gratis.
Pa mas informacion por tuma contacto cu Mirto Laclé na telefon 7402044