For di inicio di e aña aki, Stichting Reclassering en Jeugdbescherming Aruba ta celebrando su di 60 aniversario. E organisacion a lansa un recaudacion di fondo, pa por yega na un cantidad di laptop pa duna bek na comunidad. Particularmente na hobennan entre edad di 11 – 13 aña cu a caba di cuminsa scol secundario y cu no tin e recursonan financiero necesario pa cumpra un laptop.
Stichting Reclassering en Jeugdbescherming ta contento di a recauda suficiente fondo pa e cantidad di 50 laptops. E pedida di laptops a wordo haci y awor e organisacion ta wardando pa e yegada di e laptops na Aruba. Hunto cu Departamento di Asunto Social, e Stichting Reclassering en Jeugdbescherming lo haci e distribucion di e laptops.
