LA GUAJIRA, Colombia – Un baby, di no mas di cinco ora di naci, a wordobandona marduga di diaranson den un frigidaire na la Guajira. E chikito, ainda tabata tin su lombrishi pega na su curpa, a wordo haya sunu y lora den un klechi den a areanan cercano na e laguna di Oxidacion, den e municipio di Hatonuevo.
Di acuerdo cu Polis local, cu a wordo poni den aviso despues di un yamado di alerta di parti di e comunidad, awo tin e trabao di busca pa identifica y captura na esun cu lo ta e mama di e recien naci.
E subcomandante di Polis di La Guajira, teniente coronel Oscar Lozano, a sigura na El Tiempo cu te na e momento “ta trata di determina si tabata tin algun muhe cu lo tabata den estado di embaraso y cu por ta e mama di e menor. E buskeda ta extende te na e poblacionnan cercano.”
Despues di e descubrimento, e baby a wordo traslada pa e Hospital Nuestra Señora del Carmen, pero na momento cu e nivelnan di glicemia halto a wordo presenta pa motibo di falta di alimento, el a wordo hiba cu urgencia na e clinica na San Juan del Cesar, unda cu e ta recuperando y ta stabil.
Di e hecho aki ya e Instituto Colombiano de Bienestar Familiar (ICBF) ta na altura y Comisario di Famia di Hatonuevo, kendenan a splica cu e baby lo ta na cuidado di un mama substituto mientras cu e situacion resolve.
Fuente: www.elespectador.com