Recientemente Thomas & Marie Danes di Ohio Canfield a wordo honra como bishitantenan distingui pa e isla di Aruba :
E huespednan aki ta hopi special mes cu ta bishitando nos isla pa mas di 17 aña caba consecutivamente.
E titulo simbolico aki ta wordo presenta den nomber di Minister di Turismo como un muestra di aprecio pa e bishitantenan cu ta regresa Aruba.
Sr. Ricardo Croes di ATA a haci entrega di e certificado aki durante un ceremonia oficial na Paradise Beach Villas.
Thomas ta comenta cu nan no lo cambia Aruba nunca pa un otro isla, door di su beachnan blanco bunita y su hendenan amabel.
Riba e potret nan por aprecia Sr. Ricardo Croes di ATA hunto cu Thomas & Marie y tambe hotel Rep. Sandra di Paradise Beach Villas.