Relaciona cu e caso di hincamento riba linear park diabierna anochi entre grupo di hobennan unda e victima a haya basta skop y te hasta benta riba caminda y hinca na varios parti di su curpa a start un investigacion e anochi ey.
Riba Ser’i Teishi a topa cu e honda blanco unda cu e agresor cu a hinca posibelmente a bandona tabata tin cuatro hoben aden tanto mucha homber y mucha muhe a listra den full e auto no a topa cu nada di sanger ni arma blanco y ni por a detene un di e hobennan debi cu no tabatin ningun prueba.
E hincamento na linear park diabierna anochi
Asina e investigacion a sigui y door di videonan cu a sali a haya sa tambe kende te sospechoso y a sali un orden di aresto diasabra anochi.
Auto den beslag cu e sospechoso a bandona aden
Diadomingo atardi na un cas na Mahuma a topa cu e honda blanco cu e chauffeur na dje y un dama cu tabata esnan cu tabata den e auto diabierna anochi y na e problema. maske e mucha muhe tabata leu di e problema y tabata bringa cu algun dama poco mas pariba pero si e mucha hombernan tabata den e asunto di e hincamento. A tuma e honda den beslag pa investigacion.
Detencion di e sospechoso cu a hinca
Mes momento na un cas na Cantaloupestraat recherche a topa cu e sospechoso net e la caba di baña y ta den su serbete a sake for di su cas detene y bay cune di biaha pa interogacion.