Diasabra merdia na un cas na Kudawecha a surgi un problema entre pareha cu a bay for di man y e dama na gritamento a yama pidi yudansa di polis debi cu su pareha tin arma di candela. Patruyanan a yega di biaha na e sitio y a bay over na detene e homber debi cu a haya munision y e cabo di arma. Pero e arma di candela mes no a logra haya. A bay cu e detenido warda y eynan recherche a cuminsa cu interogacion y a haya autorisacion di parti fiscal y a bolbe na e adres y rondona e cas buscando tur caminda pa e posibel arma di candela a dura mas cu 2 ora buscando tur caminda tanto paden y den cura.