Riba 26 di december 2022 den oranan di anochi a sosode un caso serio unda un turista di nacionalidad Canades cu tabata turista di barco crucero Voyager of The Seas a keda seriamente maltrata pa grupo di hobennan. E turista aki tabata di vacation na Aruba companja cu su casa y su tres yiu.
E turista a keda seriamente herida y hiba hospital pero su situacion cu e tabata aden na Aruba no por a trate y a keda transporta di biaha pa merca pa haya e atencion medico necesario. Un denuncia a keda haci y recherchenan di Oranjestad a cuminsa riba e caso di biaha, y 30 di december a haci detencion na un cas na Pos Chikito caminda un dama a keda deteni y a confisca un auto tambe.
2 di januari 2023 na un cas na Jan Fleming recherchenan a haci bishita y a detene e di dos sospechoso T.E.A.B di 24 aña. Asina interogacionnan a sigui y sospechosonan a basha bou kende ta e otro sospechoso cu tabata cu nan durante e maltrato serio cu a keda cometi.
4 di januari 2023 den oranan di mainta a detene e di tres sospechoso na un cas na Jan Fleming tambe C.M.E.B di 21 aña.
Recherchenan di Oranjestad ta trahando incansabelmente pa e caso serio aki riba un turista, cu a keda maltrata pa nos personanan local.