Enconexion cu e caso di asesinato cu a tuma luga di 15 di januari 2021 Recherche di San Nicolas (DAR3) a detene e hombet W. Vrolijk, naci na Aruba di 21 aña di edad.
E hoben aki ta un sospechoso den e caso cu a tira un otro hoben mata na Pos Chikito cu un tiro den cabes.
E ta un caso cu parce tin un rabo largo. E sospechoso aki ta amigo di e hoben Brandon W., kende a wordo tira mas cu un aña pasa den Village y a keda paralitico. Porcierto e hoben aki ainda ta bou tratamento y a biaha recientemente pa Colombia.
Segun fuentenan bon na altura, Vrolijk algun ora prome cu su detencion tabata na aeropuerto pa despedi di un amigo. Aparentemente, no confirma, esnan envolvi den e tiramento ta bandonando Aruba un pa un. Vrolijk sinembargo no a logra huy.
E informacionnan ta indica cu e tabata chauffeur den e auto dia di tiramento. Pero no ta conoci si el a baha of no.
Por spera cu mas detencion ta bay.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.