Diahuebs den oranan di atardi recherche di Noord patruyando banda di lama entre Eagle pa Bushiri a capta movecion con un homber a core sali for di un vcar di turista subi un auto y core basta duro. Den e auto tabata tin tres persona, nan no tabata para ora a dunanan señal. Asina e oficialnan a persiguinan y solicita resfuerso, maske resfuerso policial a dura.
Live video:
https://www.facebook.com/masnoticia/videos/1081271802041768/
Nan a yega Belgiestraat, Lucianitastraat, drenta Madiki Kavel y den e cayanan a tira obhectonan afo riba caminda. Yegando centro di bario playa pabou a blokia e auto cu un auto di polis y asina a bay over na detene e tres hobennan aki. Recherche di Noord a bay despues den e caya y asina recupera un celular, y buki cu a keda benta afo. Bon trabou na e oficialnan aki, asina mester ta patruya areanan unda constant turistanan ta bira victima di ladronicia y gara e malechornan.