Despues di 6 aña, Chaldira lo bin Aruba y asina reuni cu su famia den e temporada di fin di Aña. Durante aña, famia y amistadnan, sernan keri di Chaldira a traha duro pa asina organisa un fundraising pa asina Chaldira su famia por a logra yega na e suma pa por trec’e Aruba dia 10 di december.
Lastimamente, e famia no a logra haya yudansa for di seguro y for di gemeente di Hulanda, pa un suma di 2000 euro, pa por cubri su verzorging y hulpmiddelen aki na Aruba, ya cu Chaldira ta un persona cu Hoge Dwarslesie.
Pa logra yega na e fondo aki, a crea un Facebook page ‘ Ban Yuda Chaldira’, caminda cu por medio di e pagina aki, famia di Chaldira kier a pidi pueblo di Aruba henter ban duna un man y yuda Chaldira pasa un Pasco den seno familiar.
Tur hende sa cu december ta un di e lunanan mas dushi pa por pase cu famia na Aruba y pa duna bek na esun cu mester di yudansa, den cualkier meta cu nan pone nan dilanti. P’esey, ban haci un famia contento di por wak nan ser keri na cas, den seno familiar.
BAN YUDA CHALDIRA YEGA NA E SUMA AKI