MANAOS, Brasil – Un rebelion di recluso den e prizon di mas grandi di Amazonas, na Brasil, a laga por lo menos 60 morto, segun e Secretaria di Estado di Siguridad Publico di e pais aki, Sergio Fontes, a confirma.
E revuelta a caba tras mas di 17 ora caminda cu un grupo di agente di e prizon a wordo tuma como rehen pa e prizoneronan, Agencia Brasil a reporta.
E causa di e revuelta ainda ta wordo investiga, pero segun Agencia Brasil, ta pensa cu el a wordo motiba pa un disputa entre bandanan rivalnan.
E episodio a sosode den e prizon Anisio Jobim na Manaos.
Esaki ta e di dos caso mas mortifero di e tipo aki den e pais.
Varios guardia di siguridad y por lo menos 74 prizonero a wordo tuma como rehen, Fontes a bisa, segun Agencia Brasil a reporta.
Durante e motin, varios curpa a wordo lansa riba e muraya completo y por lo menos seis persona a resulta decapita, e agencia ta bisa.
Autoridadnan ainda no sa cuanto prizonero a logra scapa durante e revuelta.
Fuente: CNN en Español