CUCUTA, Colombia – Derk Bolt y Eugenio Follender a pasa susto di nan bida durante nan secuestro door di rebeldenan Colombiano. “No tabata tin mester di arma pa por tin miedo pa bo bida,” Bolt a bisa.
Bolt y Follender a duna nan testimonio na prensa dilanti nan hotel den e ciudad Colombiano Cucuta. Nan a yega eynan mas tempran durante dia bao di siguridad di polis.
Nan a pensa cu nos tabata spion
Segun Bolt, e dosnan aki a wordo secuestra, pasobra rebeldenan a pensa cu nan tabata spion. “Nan a pensa cu nos tabata di CIA, cu nos kier a infiltra. Esey nan a pensa debi na tur e microfononan cu nos tabata tin cu nos, e drone, e aparato di GPS. Tabata dificil pa splica nan cu nos no tabata hende malo.”
E dos periodistanan a bisa cu nan a wordo bon trata door di e rebeldenan, pero si nan tabata spanta. “Si, nos tabata tin miedo. Bo no sa ki caminda bo tin cu tuma,” Follender a bisa. “Bo no conoce e area, ni nan metodonan. Y tur e armanan rond dibo.”
Bek pa Colombia
“Nos tabata seriamente na peliger. Debi na e ehercito nos mester a drenta e hungla. Na e momento ey bo ta pensa: mi no lo sobrevivi esaki. Bo ta core pa bo bida.” Nan a wanta gemoed cu humor. “Nos tabata mira otro y mira con teribel nos tabata mustra. Esey ta humor, pero un humor straño.”
Bolt kier bay Hulanda bek mas pronto posibel. Un bishita nobo na Colombia nan no ta descarta, aunke cu aparentemente nan no lo bin bek na e area aki. “Nos ta biahando eynan pa mas di 25 aña, un biaha bo mester boks contra e lampi. Aunke cu e lampi aki tabata uno hopi cayente.”
Fuente: www.rtl.nl