Trabaonan pa realisacion di e proyecto Stadion Maikel Lopez ta continua riba tereno di Estrella situa na Papilon.
Por aprecia riba e foto cu trabaonan a cuminsa riba tereno situa na Papilon pa pone heki parti panort di tereno. Cu aporte y cooperacion di nos pueblo, fanaticonan por realisa y pone yerba artificial riba tereno di Estrella den un futuro cercano.
Ta importante pa Aruba, fanaticonan di Estrella y amantenan di futbol en general por coopera y duna un man pa realisacion di e noble causa aki cu sigur ta na bienestar di nos hubentud en general pa nan propio desaroyo.
Estrella su directiva y comisionnan trahando duro y ta en busca di e fondonan financiero pa por logra esaki cu exito.
Ta spera cu fanaticonan, comercio por duna un man na Estrella e naranhada nan di Sta. Cruz cu nan rifa di auto cu lo tuma lugar dia 28 di Mei proximo.
Estrella lo saca e ganado di su auto nobo dilanti di Top FM 95 cu musica y animacion.
Na tur interesado cu ta desea di por yuda bende, por comunica cu miembro di directiva na e siguiente cell: 593-9301 of 597-4254.
Estrella ta ofrece e oportunidad pa tur su rebendedor nan pa por gana un comision di 40%.
Ta pidi cualkier boluntario cu tin deseo di coopera, pa acudi na Estrella diasabra awor pa duna un man cu Estrella Aruba Doet. Directiva y comision Stadion Maikel Lopez ta sigui cu e mision y vision pa realisacion di Estrella su meta. Por comunica cu Michel Lopez na cell: 594-2671 kende porcierto ta coordinador principal di e proyecto aki pa diasabra awor Aruba Doet cu Estrella.
Danki na tur sponsor, VNO, PPG Paint, CERD NV, Serlimar, Fortis Realty, Shop TV, Top FM 95.1, Sr. Edgard Vrolijk, Endy Croes, Solo di Pueblo, A.I.S. y Michel Lopez, A&H Technical Service y Sr. Arie v/d Linden, Edmond Croes pa boso aporte na Estrella. Cu cada paso, Nos Forsa ta Aumenta!