Diasabra, Pippa Middleton, ruman mayor di Catherine, Dukesa di Cambridge, a drenta enlace matrimonial, den un misa di un area rural Ingles, rondona door di miembronan di realesa y celebridadnan.
E evento tabata core risico di wordo domina pa e aparicion di e novia di prins Harry, Meghan Markle. Pero e actris Mericano no a presenta dilanti di e camaranan.
Prince George, di tres aña y e di tres den liña di sucesion na e trono Britanico, despues di su welo Charles y su tata William, a hunga un rol importante hunto cu su ruman chikito, como bruidjongen y bruidmeisje.
Middleton, di 33 aña a casa cu e multimiyonario James Matthews. Su bisti tabata uno elegante di canchi, habri den lomba y un wal largo. El a yega den un auto convertibel, compaña pa su tata, na harimento y saludando e publico cu a reuni na e iglesia St. Mark na Englefield, un misa rural oost di London.
Prins William a cana bay misa hunto cu su ruman Harry. Entre e invitadonan tabata figura e tenista, 18 biaha campeon di Grand Slam, Roger Federer.
Siguridad tabata extenso mei mei di un frenesi mediatico unda cu e hashtag #PippasWedding tabata trending riba rednan social, pero e invitadonan tabata tin prohibicion di share potretnan di e casamento riba rednan social.
E interes tabata concentra tambe ariba Markle, strea di television Mericano cu ta figura den e serie “Suits”, kende su relacion cu prins Harry a bira publico na November.
Fuente: www.reuters.com / www.cnn.com
