MADRID, Spaña – Real Madrid a dicidi habri e proceso electoral pa eligi presidente, sin concreta ainda e fecha di votacion, cu lo ta publico mas dilanti si presenta mas cu un candidato.
E directiva di e club Blanco “a acorda convoca eleccionnan na presidente y hunta directiva,” Real Madrid a informa den un comunicado, unda cu ta detaya cu e plaso pa presenta candidaturanan lo ta habri desde diabierna te cu dia 18 di Juni proximo.
“Den e supuesto cu ta resulta proclama mas di un candidatura, e hunta electoral lo publica e fecha y e luga di celebracion di e votacionnan” mas dilanti, e comunidad blanco a añadi.
E actual presidente blanco, Florentino Perez, a cuminsa cu su etapa den frente di e club “merengue” na Juni di 2009, prome di renoba como unico candidato na 2013.
Perez, kende tambe tabata presidente entre 2000 y 2006, a impulsa na 2012 algun cambio den e statutonan di e club cu den practica ta restringi e posibilidd pa ta candidato na e presidencia blanco.
E prome cambio ta referi na antiguedad minimo di socio pa por presenta, cu a pasa di 10 pa 20 aña.
E di dos, ta afecta e garantianan financiero cu tin cu aporta na e futuro candidato. Te e ora ey, Real Madrid ta limita na exigi loke ta bisa e normativa Spaño, es decir, un aval di 15% di e presupuesto di Real Madrid, sin importa su procedencia. Pero, tras e modificacion, e garantia aki tin cu procede di e pratrimonio personal di e esun presidenciabel.
Fuente: www.elespectador.com