Diadomingo anochi RCA ta bolbe piki 3 punto, cu golnan di Gregory Gomez, Jean-Luc Bergen y Andrew Martinez, Tricolornan ta vence 3-1 contra Bufalonan di JTL. Diabierna awo pa 8or den CDGPT e partido lo ta uno hopi interesante ora Soldaatnan di Solito topa e Pumanan di Piedra Plat cu ta en busca di nan prome victoria. E popular Top Clash di futbol aki ta hiba un rivalidad di 15 aña desde Britannia a subi Division Honor y nunca mas a baha bek. Na e fanaticada Tricolor, THE ATHLETES FOOT ta regala un Gift Certificate den half time. Tambe High Performance lo percura pa un tremendo ambiente den e tribune di RCA cu ta home-team y lo sinta band’i panort entrada pega cu e Gym. Dal bo bisti Rood Wit Blauw, yega wega tempran bo disfruta di un dushi ambiente. Entrada ta Awg 7.00 mucha te 12 aña ta Awg 1.00 y full e placa recauda na porta ta pa bo ekipo RCA. Tambe tin na benta e jersey tricolor pa solamente Awg 15.00. Danki na e imagennan di Futbol Aruba. #RCApaBida