E organisacion tricolor cu tin 83 aña di existencia, 34 titulo di A.V.B., dos titulo di Liprof, campeon Antiyano y tantisimo otro titulo y logro, ta bolbe clasifica pa e gran final di Aruba su division maximo. Sin duda RCA a domina futbol completo den e decada aki. Na 2011 y 2012 a titula Campeon “back to back”. Na 2014 a perde final pero ta titula Campeon atrobe “back to back” na 2015 y 2016. E aña ki ta di 4 aña consecutivo cu RCA ta bai final. Apesar cu e oncena tricolor tabatin un aña hopi dificil despues cu diferente hungadonan a retira y otro a bay studia den exterior, toch a sa di usa e sistema hubenil y ta logra termina prome luga di campeonato regular y ta bira tambe e promer ekipo pa yega final. Pabien na e hungadonan cu a lucha cu alma y cuerpo, na e cuerpo tecnico, na e fanaticada cu semper t’ey presente den bon y den malo. Danki special na “Big Wheel Lottery y Powerade”. Diasabra 17 di Juni lo ta e prome wega di e final “best out of three”. Si ainda bo no a cumpra bo Jersey Tricolor contact via app 6620202. DJ SKY y DJ Edson lo anima e publico cu e forsa di High Performance. E “Tambu Combo” tambe lo t’ey bou guia di Gio, Sapo y Rafa. Ban yega y yena stadion apoya nos ekipo cu tur respet di Mundo. #RCApaBida