RCA “Big Wheel Lottery powered by Powerade” a ranca sali diasabra ultimo contra di Nacional cu un victoria importante. Den prome tempo Jeanpierre “Champi” van der Linden ta habri marcador y den di dos tempo Erik “el Astro” Santos ta amplia e 2-0. Faltando 20 minuut di wega Nacional a corta bentaha.
Diahuebs awo ta e “Gran Clasico” di futbol local ora soldatnan di Solito drenta haula di Leon pa topa Dakota den CD Guillermo Prospero Trinidad na Dakota. E fanaticada ta cordialmente invita pa jega y apoya nos soldatnan den e ambiente tricolor super positivo. Pa jersey tricolor of e dryfit corra por tuma contacto cu Yazmira na 6620202 of pasa club diamars y diahuebs despues di 5or di atardi. Prijs ta solamente Awg 15,00.