E aña aki pa di shete aña consecutivo, organicion tricolor ta organisa e grandioso torneo dedica na e legendario ex Presidente di R.C.A. Un total di 120 mucha di 4 te cu 15 aña ta hunga un torneo 5 contra 5 riba e Mini Turf “Cuna di Talento Eric Gomez”. Diaranson atardi ya for di 5:30 lo tin ambiente na club cu musica, happy hour y bon menu. Diahuebs dia di Asuncion e ambiente ta start 9or di mainta cu e torneo y un cushina di kita sombre. Sancocho en Leña, Clam Chowder, Soppi Carni, Carni Stoba, Aros con Pollo, Pia Galinja Horna, Sanger Jena, Frikandel, Cala, Kroket, Pastechi, Loempia, Batata hasa. Tur miembro y fanaticada ta mas cu bon bini pa yega club y disfruta di dos dia di dushi ambiente. Lo tin tambe obtenibel Caps, Shirt, Sticker y tambe tin ticket entrada pa e “Super Clasico” di Aruba RCA vs Dakota diadomingo 7or den stadion.