RBC Royal Bank recien a introduci un servicio nobo y super innovativo den ‘Dutch Caribbean”; ‘Online Payment Solution’. Cu e servicio aki RBC ta duna e comerciante, cu tin un shop online, e posibilidad di acepta pago cu tarheta di credito directamente for di su website. Lo credita e pagonan directamente e siguiente dia riba su cuenta na RBC. Cu e servicio aki nos comerciantenan no mester busca solucionnan pafa di nos islanan di “Dutch Caribbean”. E servicio aki ta elimina alabes e proceso largocsil pa habri un cuenta na Merca.
RBC a partner cu e compania First Atlantic Commerce, cual ta un ‘Online Payment Service Provider’, pa por ofrece e servicio aki na su clientenan. E compania ta pone disponibel un asina yama ‘payment gateway’ cu ta ofrece un conexion sigura entre e comersiante su website, e companianan di credit card y RBC pa por procesa tarhetanan di credito.
E servicio nobo aki di RBC tin hopi beneficionan pa nos comerciantenan. Entre otro e ta sigur (safe), e ta acepta y procesatarheta di credito den florin y dollar, e ta procesa tur benta mas lihe, pasobra siguiente dia e pagonan ta directamente riba su cuenta na RBC, cual lo mehora un compania su cash flow, e comerciante por ‘track’ tur su transaccionnan y por print un rapport di esaki na final di cada dia. Ademas como ‘Online Merchant’ e comerciante por ofrece su servicio y/of productonan 365 dia pa aña, 24 ora pa dia.
RBC Royal Bank desde 2015, a cuminsa invertí hopi den tecnologia y entre otro a upgrade su mashinnan di Point of Sale cu a haci cu awor RBC por ofrece producto y servicio mas innovativo; manera entre otro RBC su EZPay cual a wordo introduci aña pasa. RBC a indica cu e banco lo introduci mas servicio innovativo pa su clientenan proximamente.