RBC Royal Bank a lansa otro solucion innovativo pa nan clientenan den e Mercado Hulandes Caribense. RBC su clientenan di servicio bancario Personal y Empresarial awor por uza nan Android pa haci transaccion bancario online, unda cu ta y ki ora cu ta.
Sr. Pierre Rafini, Country Manager di RBC Royal Bank Aruba ta bisa: “E lansamento di e RBC Mobile Banking App ta un logro significante pa nos mercado y ta parti di e proposito di nos banco pa yuda cliente prospera y duna forma na nan futuro. Nos kier diferencia nos mes, entregando producto y servicio na nos cliente cu ta duna nan un bentaha. Invertiendo den tecnologia nos tin como meta pa haci negoshi mas facil pa nos cliente, na un manera innovativo”.
E RBC Mobile Banking app lo ta disponibel pa cliente cu ta registra na RBC su NetBank Online Banking Service. Adicionalmente, banco ta preparando su iOS app pa iPhone y iPad den futuro cercano.”
Por download e App gratis riba Google Play Store https://play.google.com/store/apps/details?id=com.rbcc.mobile.rlz0.
Segun Sr. Rafini e solucion nobo aki ta contribui na e banco su diferente opcionnan di servicio propio, cu lo fortalece cliente den nan capacidad di atende nan asuntonan bancario y maneha nan finanza segun nan tempo y nan conveniencia, na un manera sigur y rapido.
Den e ultimo lunanan RBC Royal Bank a haci inversion significante den tecnologia, incluyendo e lansamento di e ‘Online Payment Solution’, ‘EZPay’ y upgrading di ‘Point of Sale Machines’. RBC lo continua desaroyando producto y servicio nobo, bao di e concepto di conveniencia pe cliente.