RBC ta lansa nan campaña Carshow Event pa 2017. Esaki lo tuma luga dia 1 di April 2017, na Compleho Deportivo Frans Figaroa. Sra. Joanaila Geerman ta splica mas di e campaña.
E rate ta bay ta esun di mas abao, esun mas abao di tur tempo aki na Aruba. E ta bay ta di 5.5% di interes, y esaki ta bay ta pa e dia aki unicamente. RBC Bank, adicional di esaki, ya ta conoci pa ta e unico banco cu ta duna e flexibilidad cu por paga te cu 7 aña y esaki ta yuda cu ainda e pago mensual ta bira un tiki mas reduci.
Pa bin na remarca pa esaki, por cuminsa yama un Sr. Account Manager of yama e Contact Center 5880101 pa traha un cita, pa haci e pre – screening y dia 1 di April ta solamente pa wak e auto. E dia aki lo tin un Dino Jump pa e muchanan, y bar y cushina bon surti. Loke wordo recauda e dia aki, lo bay ta destina pa Scouting Aruba.
Sra. Geerman a enfatisa un biaha mas, cu e rate ta esun di mas abao di tur tempo. RBC ta spera en pueblo di Aruba en general, dia 1 di April di 5 or di atardi pa 9 or di anochi, na Compleho Deportivo Frans Figaroa.
Tur cliente ta bon bini, y mester bin cu dos payslip si ta cobra pa luna y cuater ultimo payslipnan si ta cobra pa kinsena mas un id valido. Si no tin tur e documentonan aki, no ta problema, mester djis bin cu loke e cliente tin. Lo haci un analisis y e proceso lo sigui despues.
Nunca antes tabata tin un rate di 5.5% y esaki ta hopi abao. Pa bin na remarca ta hopi simpel, mester tin un trabao stabiel, un salario average y ta traha stabiel, e cliente ta bin y ta haci un analisis completo. Kisa s e cliente kier un auto awo, pero kier cumpra un cas aki dos aña, e ora e advisornan financiero lo duna e miho consehonan. Pero ta depende na cada cliente, ya cu cada cliente ta diferente, Sra. Joanaila Geerman a splica.