Sr. Pierre Rafini di RBC Bank tabata presente durante e inauguracion di e XL Congreso Latinoamericano y Del Caribe, unda el a splica cu pa 20 aña largo, RBC Bank a cuminsa e trayectorio hunto cu Aruba Little League.
RBC Bank a wak hopi mucha cuminsa den Aruba Little League y awe ta hungando baseball profesional den exterior. Cu hopi orguyo e ta participa den e congreso, pa sigui apoya e hubentud. E fundeshi di un gran nacion ta cuminsa cu e hubentud pa e dia di mañan nan ta personanan profesional, respeta den nos comunidad.
Little League Aruba a duna nos pais 5 hungado profesional, y tin varios hungado cu ta den exterior hungando baseball riba un nivel superior den exterior. Hopi di nos muchanan a yega di haya un beca pa sigui nan estudio den exterior, cu posibilidad di hunga baseball.