Dialuna marduga varios persona a keda lanta for di soño despues di a haya un bishita di sorpresa di parti autoridad. Un team grandi di polis riba pia, Recherchenan di atraco team, recherche di Oranjestad, hefenan halto di Cuerpo Policial, Fiscal di Ministerio Publico, CEA, Departamento Forensico y Arrestatie team tabata riba pia.
Minister Publico su Fiscal a duna ordo na autoridadnan e permiso pa drenta cuatro cas y realisa e detencion inmediato. Na Modanza a lanta 4 persona unda tin persona hoben deteni. A listra e cas hunto cu Fiscal di Ministerio Publico y busca evidencianan relaciona cu e casonan di atraco cu a tuma luga.
https://www.facebook.com/masnoticia/videos/1219219718115614/
Despues di rato a haci bishita na un cas na Palm Beach a detene dos señora un señora di edad y un latino. Asina e team grandi di autoridad a sigui pa e siguiente cas na Koyari unda Arrestatie Team a drenta y logra detene un homber sospechoso tambe den casonan di atraco y peligroso. A listra den e cas pa busca evidencianan y tuma algun cos den beslag.
Na final autoridad a cera e razzia grandi den Paradijswijk unda arresatie team a drenta y detene dos persona un cabayero y un dama. Den e entrada hudicialnan aki a detene 4 persona local y 5 strahero.