Un cantidad di buskeda a wordo realisa tanto na St. Maarten, tanto na e parti Hulandes, como na e parti Frances diadomingo, 22 di Januari y tambe diamars 24 di Januari. Esaki ta en conexion cu e investigacion andando relaciona cu e cargamento di mas di 200 kilo di posiblemente di cocaina, intercepta door di Marina Real, conhuntamente cu Warda Costa Caribense dia 21 di Januari. E tres tripulantenan tambe a keda deteni.
Ta trata aki di e hombernan D.J.C. procedente di Venezuela, D.O.G.V. procedente di St. Martin y L.R. procedente di Republica Dominicana. Entretanto fiscal a prolonga nan aresto cu ocho dia mas. D.J.C. y D.O.G.V. a presenta dilanti Hues Comisario, kende a haya cu nan aresto tabata na su luga. E di tres sospechoso lo presenta dilanti Hues Comisario diaranson 25 di Januari. Un di cuater sospechoso a wordo interoga relaciona cu e caso aki.
Diadomingo 22 di Januari, polisnan a tene un razzia na tres cas, relaciona cu e investigacion. Uno na e parti Frances, y otro na e marina cerca di Marigot y un otro cas na Marigot. Durante e razzia, autoridadnan a tuma beslag di tanto documentonan como datonan digital. E investigacion di e caso “Cucumber” ta den full swing y ta bou liderazgo di Ministerio Publico den cooperacion estrecho cu Cuerpo Policial di St. Maarten, Warda Costa Caribense y e Gendarmerie Frances.
Potret: Cortesia di: 721News