Relaciona cu un investigacion grandi pa algun tempo caba Afpakteam a subi caya hunto cu FIOT diaranson marduga y drenta un cas den Caya Frere Johannes situa den Paradijswijk. Basa riba un investigacion di labamento di placa a detene 3 persona den nan un dama. Un vehiculo, basta placa, droga, y un arma di candela a keda confisca. Den e cas a tuma varios cos den beslag. Team di aresto a bay cu e sospechoso principal. Afpakteam ta consisti di varios departamento di husticia cu ta KPA, OM, FIOT, Marechaussee, Kustwacht y mas departamento.