EL CAIRO, Egipto – Autoridadnan Egipcio a anuncia diahuebs e hayasdo di “rastronan di explosivo” den algun cadaver di e avion di Egyptair cu a cay dia 19 di Mei den mar Mediteraneo cu 66 persona a bordo, ora cu nan a cubri e trayecto Paris-El Cairo.
Segun un comunicado di e comision cu ta studia causanan di e accidente, e informe forense ta indica cu “nan a haya rastronan di material explosivo den algun resto humano di e victimanan di e incidente.”
E comision tecnico a deriva e caso na e fiscalia general, alegando cu ley di aviacion civil ta reserva e organo aki e investigacion di accidentenan aereo caminda cu ta existi sospecho di delitov.
Di e mesun manera aki, e comision tecnico a sigura den e comunicado cu a pone su expertonan na servicio di fiscalia general.
E Airbus A320 di Egyptair, cu a cubri e ruta Paris-El Cairo, a cay den Mar Mediteraneo cu 66 persona abordo, tras perde contacto cu e controladonan di aeropuerto di e capital Egipcio y disparcer di e radarnan.
E aparato a disparce di e rada pa 2’or y 45 ora local dia 19 di Mei ultimo tras ingresa den espacio aereo Egipcio poco mas di un kilometer y ora cu e tabata mas of menos 280 kilometer di e costa Egipcio.
Na e momento ey autoridadnan Egipcio a descarta e posibilidad cu tabata trata di un atentado terorista.
Na October di 2015 un avion Ruso cu a cay den e peninsula Egipcio di Sinai cu 224 abordo, tras registra un explosion den su interes, cu a wordo reinvidica pa e rama Egipcio di e grupo terorista Estado Islamico, aunke autoridadnan ainda no a anuncia e resultado di su investigacionnan.
Fuente: NTN24