Den fin di siman a tuma lugar e World Taekwondo President’s Cup na Portland, Oregon y Brazil Taekwondo Stichting tabata tin cinco participante y dos a logra di clasifica pa Pan Americano 2017.
Diabierna dia 28 di October 2016 tabata turno di Rasheed Lowe. Rasheed Lowe tabata den un poule di 11 atleta. Rasheed Lowe su prome pelea tabata contra di Cristian Ramirez for di Merca y Rasheed Lowe a gana esaki cu un score di 8-5. Rasheed Lowe a topa despues cu Caleb Onggosanusi for di Merca y Rasheed Lowe a gana esaki cu un score di 14-2. Den cuart final Rasheed Lowe a topa cu Fergus Curran for di USA y Rasheed Lowe a gana esaki cu un score di 10-3. Den final Rasheed Lowe a topa cu Gabriel Bonsol for di Merca y Rasheed Lowe a gana esaki 8-7 y a haci Rasheed Lowe ganado den e categoria di cadet di -41 kilo. Esaki a pone cu Rasheed Lowe a clasifica pa e Pan Americano 2017.
Diasabra dia 29 di October tabata turno di Zahyon Klabér. Záhyon Klabér tabata den un poule di 21 atleta. Zahyon Klabér su prome pelea tabata contra di Brandon Sealy for di Merca y Zahyon Klabér a gana esaki cu un score di 8-6.
Den e di dos pelea Zahyon Klabér a topa cu Andrew Haiat for di Merca y Zahyon Klabér a gana esaki cu un score di 8-3. Den cuart final Zahyon Klabér a topa cu Baldomero Gutierrez Paña for di Mexico y Zahyon Klabér a duna tur di su banda y a wanta e score 0-1 den e prome rond y 1-1 den e di dos rond, pero den e di tres rond cos a bay robes y e score a caba 8-4 pa e Mexicano y Zahyon Klabér mester a keda satisfecho cu su tercer lugar y su clacificacion pa e Pan Americano 2017.
Rasheed Lowe a gana Medaya di oro y Zahyon Klabér a gana brons na e World Taekwondo President’s Cup 2016 na Portland, Oregon.