Parlamentario Endy Croes ta compronde awor mas mihor e sed di vengansa di Patrick Paskel y Speed Andrade pa critica tur hende di MEP tur merdia na Canal 90 e radio di Leoncita Avestruz jamando tur hende pa ladron. Rapport di RDA a trese claridad ariba cu nos tabata warda. Tera Group di Patrick Paskel y Speed Andrade tabata strica den tur compania estatal placanan bruto sin traha y tur esaki cu bendicion di Mike Eman y Mike de Meza. Ambos tabata bon na altura di e modis operandi di Patrick Paskel “ e gordito of ta porquito de oro” y Speed Andrade. Awe lo repasa solamente un pagina di e rapport di 170 pagina. Un berguensa total y Ministerio Publico tin trabou pisa pa hasi akinan tambe. Ta con AVP kier bay elecion cu tanto corupcion y pidi pueblo sosten?
/// Patrick Paskel y Tera Group a cobra 100 mil florin den 2 dia: Rapport RDA a publica locual nan a encontra durante e investigacion. Ta tristo pa mira con Mike Eman y Mike de Meza a coopera cu Patrick Paskel y Speed Andrade por medio di Tera Group y PAXI ( Patrick y Xiomara) ambos companianan di Patrick Paskel. Na un manera structural ehersiendo poder den nomber di Mike Eman Patrick tabata strica sumanan astronomico sin ningun clase di gevoel pa un total di 500 mil florin. Momento cu eleccion tabata den porta na September 2017 y kisas precura cu AVP no bolbe bek a bin cu un idea pa organisa un apertura pa e proyecto di Algea riba tereno di RDA cual nunca a mira luz di dia pa chica locual a sobra. Para dilanti un porta na RDA Mike Eman y Mike de Meza “willens en wetens” a coopera pa corta un cinta pa asina por mustra cu tabata tin algo pa hustifica pa saca e placa for di RDA. Criyoyo bisa “mi cabez riba un blokki” cu parti di e placa aki a bay bek den campaña di AVP. Asina e cashi di triki di AVP ta traha. Dia 12 di September 2017 net 2 siman promer cu elecion 2017 Patrick a ranca na un manera cruel un suma di Afl. 49,996.09 como 50% downpayment “ Opening Algea Proyect” factuurnummer 18347. Pa su mañan esta su siguiente dia 13 di September 2017 Patrick Paskel “ e pan di Dios” cu nunca a kibra un copi ta bolbe cobra un suma di Afl. 49,996.09. Factuurnummer 18351 “ final payment Opening ceremony Algea Proyect. Parlamentario Endy Croes ta exigi un investigacion profundo riba Patrick Paskel door di Ministerio Publico pa mira con e placanan a core den lunanan di elecion for di Patrick su cuenta y pa ken nan a bay. Tanto A.Koolman y Verenuschka Croes a declara den e rapport cu nunka tabata tin un contract firma entre Teragroup/Paxi ( Patrick y Speed) cu RDA pa e suma di 500 mil florin cu Patrick a cobra. Patrick Paskel a manda un email dia 2 di October 2016 y desde aki a cuminsa “horta “ placa di RDA. Investigacion “strafrechtelijk” lo mester bin pa determina kico ta bay pasa cu atracadornan Patrick Paskel y Speed Andrade. Nan mester debolbe e placa aki bek den futuro! Sin berguensa, sin berow y sin escrupulo cu cooperacion di Mike Eman y Mike de Meza.