Encuesta di corupcion di banco central ta papia bon cla con cos tabata cana den gobierno anterior

Minister Otmar Oduber durante un conferencia di prensa el a toca e tema di e rapport cu banco central a saca tocante corupcion. Banco central a haci un encuesta y puntra e comunidad di Aruba durante e ultimo 12 luna prome cu esei kico nan pensamento ta pa loke ta corupcion na Aruba en general.

Minister a bisa e motibo cu nos a haya pa para keto ta mirando e hecho cu e Ministerio cu su persona ta carga responsabilidad p’e na momento cu nan a asumi responsabilidad na final di 2017, practicamente e studio ta cuminsa. A refleha e tempo ey decisionnan cu mester tuma y ta conoci na comunidad door di para tur tramitenan na DIP, pasobra den rapport via comunidad cu tin na e momentonan aki ta mas halto, pa loke ta ortogamento di permiso di trabou y te hasta tin un minister condena y e otro dos aspectonan menciona den e rapport ta ortogamento di tereno y despues e entregamento di permiso na dimas.

Min. Otmar Oduber riba corupcion na Aruba……

Posted by MasNoticia.com on Wednesday, August 28, 2019

Esaki ta comproba di loke nos a bin ta bisa cu for di Mei 2018 un rapport cu a keda traha lunanan prome unda tin cosnan robes cu a pasa den maneho di DIP y na Mei aña pasa a cuminsa ehecuta un maneho nobo y transparente y ta keda publica unda tur hende na Aruba ta keda informa e caminda pa cana pa yega na un tereno di sea vivienda of comercial.

Tempo aya hendenan ta bin sinta na mesa cerca e minister y e ta tuma e decision y yama DIP y bo ta haya un tereno manera a tuma luga den pasado. E rapport di banco central ta papia bon cla kico e comunidad ta pasando aden y e bon y bunita di e rapport ta cu ora a puntra di e ultimo 12 lunanan prome cu e encuesta a keda haci y con e sentimiento ta pa loke ta trata soborno pa haya permiso y eynan e ta sumamente abou algo di 3% y den region Aruba ta abou den e lista

Comments

comments