CALIFORNIA, Merca- Mundo di RAP un biaha mas ta di luto. Diadomingo e rapero Mericano Nipsey Hussle (33) a muri despues cu el a wordo tira mata den un tiroteo na Los Angeles. E portal TMZ tabata e prome cu e raporta e noticia aki, cu despues a wordo confirma pa NBC.
E website a indica cu Nispey Hussle a ricibi impactonan di bala pafo di tienda di paña di su propiedad, Marathon Store den bisindario di Hyde Park. E tienda aki a wordo inaugura na 2017.
E morto di e artista, cu tabata nomina pa un Grammy a bin algun minuut despues di cu e mesun artista aki a publica ariba Twitter un mensahe bisando “pa tin enemigonan fuerte ta un bendicion”.
Nussle tabata tin un afspraak cu polis pa asina hunto nan papia di kico lo por wordo haci pa stop cu violencia den gang y pa yuda polis cu e muchanan cu ta keda desampara. Esaki segun comisairo di polis di Los Angeles a scirbi ariba Twitter.