Rapper ta burla di siguridad y ta subi stage pa menasa Rocco Franken

WILLEMSTAD- Festival di Tumba Curacao 2019 tabata tin hopi ambiente manera semper. Diaranson anochi tur wowo tabata ariba e banda musical Buleria for di Aruba cu a compaña Rey di Tumba 2018 Corsou, Urvin ‘Luwi’ Jano.

E aña aki Buleria un biaha mas a compaña Urvin ‘Luwi’ Jano, como tambe Ike Jesurun, Rocco Franken, Chandell Beaumont, Franksjen Vos.

Durante e presentacion di Buleria diaranson anochi, un rapper a subi stage pa asina “pidi” Rocco pa stop di canta e cancion cu nan tabata tocando na e momento nan ey. Ta trata e cancion ‘Bati pa bo’, di Buleria ft. Jaido, cu ta otro rapper di Corsou, pero residencia na Hulanda. Tin un parti di e cantica unda cu Jaido ta canta y e gang tin problema cu e cantante/rapper aki.

E supuesto rapper cu a subi stage burla di e siguridad cu no tabata t’ey dilanti stage a manera exigi di Rocco pa e stop di canta e cancion aki. Rocco a hasta brasa e persona aki, mirando cu na Corsou ta normal pa publico ta subi stage. Pero e persona aki a keda halsa vos y a bay asina leu di menasa otro hendenan patras di stage. Riba videonan bo por mira tur loke a pasa parti pafo di stadion. Al parecer cu el a bay mete cu polis y akinan si parce cu su number a hunga. El a wordo deteni, y ta deteni te ainda, según informacionnan ricibi di Corsou, for di representante di AMAK, Sr. Giovanni Atalita.

Corsou for di aña pasa di un problema basta serio di gang di rappernan cu ta basha bala riba otro y menasa otro pa motibo di teritorio y influencia .E cos aki ta hiba nos hopi aña nan atras na New York. Ta spera cu autoridadnan actua hopi rapido prome cu cosnan sali totalmente for di man.

Diabierna ta e gran final di Festival di Tumba Corsou. Tanto Rocco Franken y tambe Chendell Beaumont a clasifica pa e final di diabierna anochi.

Masnoticia lo sigui e caso di cerca .

Comments

comments