LOS ANGELES, California – E rapero Kanye West a wordo hospitalisa pa agotamento dialuna, segun un fuente cerca di e famia a bisa CNN.
West ta wordo trata na UCLA Medical Center na Los Angeles.
Mas tempran a laga sa cu West a cancela e resto di e fechanan di su tour “Saint Pablo”. Segun LiveNatio.com, e tabata falta 21 concierto. E prijs di e entradanan lo wordo completamente paga bek, segun e comunicado di Live Nation.
Fin di siman pasa, West a laga miles di fan decepciona na California, ora cu el a corta un concierto y a cancela otro.
Diasabra anochi, e rapero a interpreta solamente dos cancion na Sacramento, den un show caminda cu el a duna un pregon largo riba politico, medionan di comunicacion, Beyonce y Jay-Z.
Diadomingo, oranan prome cu e mester a subi riba escenario den The Forum, na Inglewood, California, e luga y Ticketmaster a anuncia cu e concierto a wordo cancela y cu e placa a wordo debolbi.
Fuente: CNN en Español