Pa loke ta e tema di tiramento di sushi den dam, ta algo serio pa Santa Rosa. Randy Maduro ta splica riba nan punto di bista kico ta pasando cu nos damnan, cu ta hopi di lamenta.
El a splica cu a percura pa e dam na Noord wordo haci limpi. Recientemente tin di compronde cu esun na Tanki Leendert tabata tin sushi aden, entre otro colchon y auto kima cu a wordo tira. Esaki ta trece sigur un problema. Sigur tambe un problema pa e trucknan di Santa Rosa, pasobra no sa si e waya di colchon, catunanan di e colchon, e tela cu ainda no a putri, pasobra ta awo awa a yobe. Awo cu lo bay pomp por haya problema. Ta cosnan cu por trece algun inconveniencia pa haci entrega di awa. Ta haci un suplica cu sigur, no tira sushi na e damnan aki. Nan no ta destina pa tira sushi. Unico luga ta e dump na Parkietenbos. Bay tira sushi eynan. Ladronicia ta laga desperdicio atras tambe pasobra nan ta kim’e despues. Santa Rosa den e casonan aki, ta tuma contacto cu instancianan manera Serlimar pa asina lanta e auto. Ta cosnan fastioso cu nan tin cu deal cun’e. Djis tira e sushi den truck, pick up, of con ke sea y bay dump’e na Parkietenbos.
Maduro ta sigui splica cu esakinan sigur ta contamina e awa. E contaminacion sigur ta hay’e y claramente e ta trece problema no solamente pa Santa Rosa, pero pa e habitante cu ta haci uzo di e awa.