Randy Maduro relacionista di Santa Rosa a toca e tema di nos cunukeronan y riba media social cu nos productornan ta basta activo y nan mes ta crea nan caminda pa nan sali nan di produccion, maske tin ta aserca Santa Rosa tambe y pa nos ta mas cu un placer.
E cunukero cu tin producto pa bende por yama Santa Rosa y nos lo publica esaki tambe riba nos pagina di media social y tambe nos por ofrece e personanan un espacio pa momento cu Santa Rosa tin su pop up market bo por bende esaki.
Pinda, bonchi, comcomber ta loke ta wordo pidi hopi ultimamente. A puntra Randy Maduro si nan sa haya reaccion di hendenan cu ta prefera cumpra lechuga y otro berduranan mes di Aruba compara di afo y a duna di conoce cu tin productornan local cu tin nan sistema di hydroponic y ta plantando por lo menos 5 pa 6 tipo di lechuga y durante e pop up market bo ta haya cunucu fresh cu un di nan cu ta ofrece e lechuga local y e tin un demanda grandi pa esaki. E producto local e personanan di awendia ta mas consciente di esaki y kier come cosnan local pa saborie, y esaki ta e tarea di Santa Rosa pa inculca den e persona pa come mas saludabel y cumpra producto local cu ta mas benificia y cu ta aki e ta wordo produci.
