Segun Randa Baroud Mama di e dos Muchanan a dicidi di trece e otro banda di medaya pa dilanti. E Mama ta bisa cu e ta di opinion cu e mucha muher den hospital ya tawata tin problema nan di salud y pa un simpel ranka di cabey esaki no por a yega asina drastico. E ta menciona cu den su pensamento como adulto esaki por a wordo soluciona sin mester di hasi tanto sensacion. E la yama Yuri Bracho y tambe e mama di e otro hoben como dramatica. Pa ser exacto Diaranson dia 16 di februari 2022 dos ruman a dicidi di agredi un otro alumno na Maria College. E alumno cu a wordo agredi a bai for di tino ora cu e pelea aki a termina. Pero Segun informacion e damita no a wordo transporta cu ambulance. Den menos di algun minuut e video di e pelea tawata disponibel riba rednan social. E victima actualmente ta den hospital y nos di masnoticia a logra realisa e entrevisa cu e mama di e victima ayera 17 Feburari 2022. (Video Optenibel Ariba nos pagina di facebook) Awe Randy Baroud , mama di e dos alumnonan a dicidi di vocifera su mes y asina tambe duna su banda di medaya. Sra. Randa ta di opnion cu e drama aki tawata inesesario y como adulto Mama cu mama por a wordo resolve. Pero a dicidi pa involucra Yuri bracho cu segun e mama ta menciona cu Yuri mes tin problemanan na su cas. Y ta manda un mensahe pa Yuri bai resolve bo problemanan interio prome cu bo purba yuda otro y ataka otro. Sra. Randa ta finalisa y bisa cu e no ta orguyoso locual cu su yuinan a hasi y e lo bai castiga su yuinan. Pero mientras e Otro Mama y Yuri ta continua cu nan Drama e tambe lo bai pusha pa defende su banda di Medaya!