Artista visual local Velvet Ramos ta preparando un proyecto hunto cu Fundacion Rancho. E proyecto tin e proposito di uni e comunidad di Rancho pa asina ehecuta un actividad di arte relacional; “Comunity – Relacional project”. Unda e comunidad mester dicidi kico kier cambia den bario y comunidad. E proyecto di artista Velvet Ramos ta cuminsa na Mei 2017, unda ta invita comunidad pa ban papia y inicia un dialogo. E proyecto lo mira su final na September 2017
Luis Villegas artista local naci na Venezuela tambe ta un “Artist in Recidence” pa e luna di Mei na Centro di Actividad Rancho. E artista lo inicia un proyecto di workshop unda ta focus riba publicacion. Lo bay traha mini publicacionnan a base di poesia, arte visual y mas. Lo finalisa e workshop cu trahamento di buki, documentando diferente informacion. “E por ta algo personal of social of cultural”. E workshop di artista Luis Villegas lo dura un luna y ta wordo ehecuta den Mei of Juni 2017.
Ta pidi e comunidad specificamente di Rancho pa comparti na storia y sugerencia cu e artistanan, a base di kico lo kier wak cambia of mehora den e bario di Rancho. Ta importante pa haya mas informacion pa asina haci mas proyectonan pa e bario y su comunidad den futuro.
Pa mas informacion tocante e proyecto y artistanan ta conseha publico pa pasa na Centro di Actividad Rancho of add e centro riba facebook. Tambe por tuma contacto via telefon: +297-5628352.