E aña aki, e pronostico ta mustra cu e tempo ta bay ta mas activo cu normal. Na Rampenbureau tin un website di alerta. E server aworaki ta down, pero nan ta bezig cu’n otro compania, pero nan tin Alertfm cu ta pa e smartphone cu ta wordo uza regularmente pa esunnan cu ta registra ariba dje. Y e Alertfm den e training di horcan sigur a yuda pa alerta cua ta e camindanan cu ta sera. Pa no pasa door di e caminda ey.
Sr. Rino Hermans ta splica cu e App ta gratis, y ohala cu por keda cla cu e website mas pronto posibel pa asina por test e parti di comunicacion, cu si e ta traha optimal. E Alertfim cu ta pa e smartphone, ta dunando miho resultado pa subi online y haya email. Pero sms ta bou evaluacion, ya cu no ta tur hende tin smartphone awendia. Ainda esey ta den evaluacion, cu kisas e wordo uza, el a wordo uza durante e tsunami training (Caribwave).
Mester avisa comunidad cu ora cu e sms drenta, cu no ta trata di un joke, pero ta purba gara prome y no warda te ora cu ta den dje caba, cu e ora ta bay hay’e. Tin algun cos interno pa wordo revisa pa e cana smooth, pa tur hende keda trankil cu el a drenta, e ta on time, e ta berdad y e no ta un joke.
COMPANIANAN DI CELULAR
Si evalua Carib Wave, Rampenbureau no tin nada di argumenta. E relacion ta tremendo, cu mane cu Rampenbureau bati na nan porta, splicando kico ta e intencion, nan ta cla pa yuda. Por wak e parti di ban uni, esey ta sobresali den un forma hopi bon, den e ultimo temponan aki, segun Sr. Rino Hermans, di e Rampenbureau.