Director di Departamento di Calamidad, Sr. Rino Hermans, ta elabora ariba un training regional pa tsunami, den e islanan den Cariba, unda cu Aruba lo participa.
Dia 15 di Maart lo tin e training regional di Carib Wave, unda cu Aruba lo participa na dje. Hotel y servicionan a cuminsa inscribi na Rampenbureau, di forma cu e dia aki, lo evalua e aspecto cu Departamento di Calamidad a considera cu a faya aña pasa cu lo tabata e parti di falta di comunicacion den masa. Den caso di un simulacro unda cu e companianan lo haya e rapport unda cu lo bisa cu den un hora tsunami lo alcansa nos costanan, anto riba esey lo bay keda traha e aña aki, segun Sr. Rino Hermans Director di Departamento di Calamidad di Aruba.
Cada director, cada persona, cada hefe cu drenta den un edificio mester ta responsabel con pa evacua. Y Aruba tin 32 aña di Status Aparte. Na 2018 cu te ainda no por evacua un scol, ta señal di negligencia unda cu a neglisha e parti di siguridad. For di Brandweer nan a haya informacion cu 7 scol a haya nan plan di evacuacion. Pero ta haci un trainging cu di antemano sa cu e lo bay faya.
Rampenbureau ta trahando den esfuerzo conhunto cu Brandweer pa ofrece con ta bay yega na duna un mainta di preparacion na director di scolnan pa esakinan pas’e over na e scolnan. Pa loke ta parti di horcan, hopi ta e scolnan cu ta yama boek un dia, pa duna charla over di horcan. Rosario Collega a tuma e iniciativa pa otro scolnan cuminsa traha ariba un plan di evacuacion, cual meta ta pa 2020.
Ora cu caba cu e scolnan, ainda ta keda e casnan di anciano, cu tambe ta keda den e asina yama, zona cora, segun Sr. Rino Hermans, director di Rampenburea.