Sr. Rino Hermans, director di Departamento di Calamidad ( Rampenbureau), a splica cu nan lo tin un training ta dia 21 maart proximo.
E aña aki e training lo no ta nada diferente, y loke ta haci esaki particular e aña aki, ta cu e scenario cu tin stipula pa train, ta pone cu Meteo lo bay den parti technico cu ta pone cu duna mas o menos un ora y 20 minuut, pa un ora y 40 minuut pa evacua hendenan cu ta biba na e costa.
E tsunami plan no ta duna mucho espacio, cu mester di prensa pa avisa pueblo pa evacua y cu mester corda cu e ta un training. Ta tanto minuut mester evacua, cu yudansa di polis y brandweer. Prensa ta hunga un rol masha importante den e training di dia 21, con prensa lo informa despues cu meteo saca su boletinnan special di training y full e training mane cu e ta pasa den scenarionan real.
Ta e scenario aki cu despues cu ta kaats bin bek parti zuid di Aruba, pa e ora cu e kier dal Aruba e ta net den e piek uur y e situacion di Aruba, unda cu tin dos isla cu ta activo turisticamente, nos Bestuurskantoor ta front pa lama y dilanti di dje hopi auto.
Loke ta concerni pa Rampenbureau, Sr. Hermans a splica cu e parti tecnico ta keda pa meteo, ya cu esey ta nan tarea. Den e scenario aki, cu den Vondellaan tin un blok di scol, cual ta Colegio Aruba, Mon Plaisir MAVO y Basis. E scolnan no mester wordo evacua, pero docentenan por para keto un rato riba e tema, cu si den realidad e tsunami dal Aruba, kico nan lo haci y con nan lo a evacua, y si nan no tin un plan ta momento pa sinta pensa pa traha un plan paso un scenario por ta realistico.
Ora haya e message di Meteo, tin un plan di famia , ki ora ta comunica. Aruba su capacidad den caso di crisis, manera Carnaval unda ta diadomingo unda tur hende ta bezig ta comunica via cel, cu Setar su sistema ta cay. Den un scenario asina aki, muy probablemente e sistema lo cay afo tambe.
E biaha aki prensa, despues cu ricibi e boletinnan for di meteo, realistico, kico e periodistanan lo bay comunica cu pueblo? Ban educa y uza e dia ey y e momento ey pa conscientisa e pueblo pa prepara pa situacionnan cu por presenta cu despues cu nos no kier lamenta, door cu no a comunica cu otro, hendenan ta perde nan bida, segun Sr. Hermans.