Diamars mainta nos a compronde cu e locutor Ralph Maduro y e presentado di noticia na radio Nelson “ Speed “ Andrade a topa otro na Ministerio Publico. Esaki ta relaciona cu e sucedido cu a tuma luga 13 di Mei ultimo na Pavia unda durante un cubrimento di un noticia dos persona a aserca Andrade relaciona cu relacionnan politico y otro rabiamento den pasado, maske cu e trio tabata bon amigo pa hopi aña a sinta na mesa, bebe come hunto pero e relacion a kibra y a mira un guerra entre amigo.
Durante e sucedido 13 di mei agresion a tuma luga, ambos persona a bay vloer cuminsa bringa cu otro y tabata tin destruccion. Sr Andrade a denuncia Sr Maduro pa destrui su celular di trabou. Fiscal den presencia di ambos persona a informa cu Sr Ralph Maduro tin traha 60 ora di trabou pa comunidad y paga e 1440.00 florin di e celular cu a keda destrui. Esaki a pasa den un TOM Zitting.
E Fiscal a presenta e acusacionnan y a subraya e derecho di e sospechoso di nenga di atende e TOM Zitting y toch opta pa bay Corte. Fiscal a splica cu el a ofrece un TOM Zitting mirando cu e acusado no tin un “strafblad” ainda.
E Tom Zitting aki no a dura hopi y e sospechoso Maduro via su abogado lo paga e celular di Sr Andrade awe mes segun el a informa Fiscal.