Raiz tambe por cuminsa campaña

Na entrada di weekend dos partido so a cera e cantidad di firmanan necesario pa por participa den eleccion. Ta trata aki di partido Movimento Aruba Soberano (MAS) cu a cera riba e prome dia mientras cu Partido Raiz diamars den oranan di merdia a cera e 587 firmanan necesario pa participa den eleccion.

E hecho aki ta demostra cu e votadonan kisas ta mira mas den e direccion di MAS y Raiz cu lo por haya e votonan necesario den eleccion. No necesariamente si firma pa un partido ta nifica cu e persona lo deposita su voto pa nan tambe.

E hobennan di HTC ta haciendo hopi esfuerso riba rednan social pero ainda no a logra yega 100 voto. Nan tin te dia 18 di mei awo pa cera e 587 firmanan necesario.

Den oranan di merdia pa atardi tabata mustra hopi keto na e dependance di Censo. Ni e lidernan di e partidonan cu falta firma pa bay eleccion no tabata presente.

Esun siguiente pa logra ta Accion21 cu te awe merdia a yega 436 firma, sigui pa PPA cu 354 firma, UPP cu 335, PP cu 248, y CURPA cu 115 firma.

Esnan interesa pa firma pa un di e partidonan aki por participa den eleccion di dia 25 di juni awo, mester pasa sea na e dependance di Censo riba L.G.smith Blvd (pariba di Parlamento); na MFA Noord of esun na Savaneta.

Comments

comments